ورشة فستان العيد طلب الاخت شهد البنات

اهلا بكن معانا في ورشة لفستان العيد طلبته الاخت شهد الحياة.
الي حابة تتفضل معانا اهلا وسهلا بيها تنورنا.

بسم الله نبتدي شرح البلوزة .
الغرزة المستعملة هي
غرزة السلسلة
وغرزة العمود.

نبتدي على بركة الله.

اول شئ نعمل سلسلة بمقاس البنوتة يعني تشتغليها وتلفيها على بنتك من تحت وسطها لو تمام خلاص اقفلي السلسلة بمنزلقة انا عملت 140 سلسلة وانا بشتغل بصوف والصوف بتكون شوية تخينة يعني لو عاملة صوف رفيعة زودي في عدد السلاسل .



السطر الاول

نطلع بتلات سلاسل ونعمل عمود على اول سلسلة من السلسال الي عملناه وتاني عمود على تاني سلسلة ونعمل تلات سلاسل ونعد اول عين وتاني عين وتالت عين من السلسلال الي ابتدينا بيه ونعمل عمود على السلسلة الرابعة وعمود تاني على السلسلة الخامسة وعمود تالت على السلسلة السادسة ونمشي على كده لاخر السطر ونلزق اخر عين باول تلت سلاسل عملناها.







السطر التاتي

بعد مالزقنا اخر عين باول غين من السطر نروح وسط العمود التاني ونعمل تلات سلاسل ونروح نلزقهم وسط التلات سلاسل الي بعد كده ونعمل تلات سلاسل ونلزقهم وسط العمود التاني ونمشي على كده لاخر السطر.










السطر التالت

نروح وسط الهرم الاول بغرزة منزلقة ونعمل تلات سلاسل ونلزقهم في الهرم الي بعد كده ونعمل تلات سلاسل ونلزقهم بالهرم التالت ونمشي على نفس الطريقة لغاية اخر السطر.



السطر الرابع

نروح وسط الهرم بغرزتين منزلقة ونعمل سلسلة واحدة ونروح للهرم التاني ونعمل وسطه خمس اعمدة ونعمل سلسلة واحدة ونلزقها في الهرم التالت ونعمل سلسلة ونروح للهرم الي بعد كده ونعمل وسطه خمس اعمدة وسلسلة ونعيد نفس التطبيق السطر كله ونقفل بمنزلقة.











وده شكل السطر ده











السطر الرابع

نمشي بغرزة منزلقة لغاية تاني عمود من الاعمدة الخمسة ونعمل تلات سلاسل ونعمل عمود على تالت عمود وعمود تالت على رابع عمود من السطر السابق ونعمل تلات سلاسل نعمل عمود على تاني عمود من الاعمدة الخمسة وعمود على التالت وعمود على الرابع وتلات سلاسل ونكمل بنفس الطريقة لاخر السطر ونقفله بمنزلقة.











السطر الخامس

نعيد نفس تطبيق السطر التاني



السطر السادس

نعيد نفس تطبيق السطر التالت

السطر السابع

نعيد نفس تطبيق السطر الرابع.

نشتغبل الاسطر دي لغاية مانوصل للطول المناسب ونلتقي بعد مااشوف تطبيقاتكن يا حلوات.

الله اكبر

بسم الله نكمل باقي الشرح بادن الله.

بعد ماوصلنا للطول المناسب نحد البلوزة من ايدنا شوية ههههههههه علشان نشوف حنعمل التنقيص فين.
نسيب من كل جهه نفس المقاس حمس سنتيمات او لو عاوزين اكتر.
نبتدي بتلات سلاسل ونلزقهم في السلسلة او وسط العمود على حسب السطر ونمشي لغاية مانوصل للجهة التانية (انا ابتديت بالجهة الامامية هي الاولى)



ونلف الشغل للضهر ونشتغل نعمل تلات سلاسل ونلزقهم وسط التلات سلاسل من السطر السابق ونكمل بنفس الطريقة لاخر السطر

ونكمل بنفس الطريقة الي اشتغلناها من البداية




وبعد مانعيد الاسطر مرتين نشتغل الجهتين بتوع الصدر الحمالات






نشتغل لغاية الطول المناسب للحمالات.
وبعد مانخلص الاولى نقطع الخيط ونرجع نشاغبل الحمالة التانية بنفس الطريقة





وده الشكل النهائي للجهة الامامية



الجهة التانية الضهر

نلف البلوزة ونلزق الخيط في نفس المقاس للامام يعني لو سيبنا خمس سنتيمات نسيبهم كمان في الصخر ونشتغل نفس الشئ بس اطول من جهة الرقبة




وده الشكل النهائي فاضل بس الحاشية وان شاء الله نعملها بعد الجزء التالت

الحمد الله.

بسم الله نبتدي شرح الجزء التالت من الفستان.

الباترون الدي سوف نشتغل بيه الجزء ده



السطر الاول

نلزق الخيط لو حبينا مع الخيط الي ابتدينا بيه ونطلع تلات سلاسل ونزود سلستين



ونعمل اول عمود وسط السلاسل التلات من اول سطر ابتدينا بيه الفستان وسلستين وعمود وسط الاعمدة التلات ونمشي على كده عمود وسط السلاسل التلات وسلسلتين وعمود وسط الاعمدة التلاتة



السطر التاني

نطلع بسلسلة واحدة ونعمل غرزة حشو على كل عمود وغرزتين حشو وسط السلستين ونمشي كده لغاية ما نعمل 26 غرزة حشو يعني نعمل غرزتين حشو على السلستين وغرزة واحدة على العمود ونمشي كده وبعد مانخلص الغرز الحشو نعمل سبع سلاسل ونسيب عمودين من السطر السابق ونلزقهم ونعيد نفس الغرز الحشو ونمشي على كده



السطر التالت

نطلع بسلسلة ونعمل الغرز الحشو وننقص من كل جهة بيقى عندنا 22 غرزة حشو ونعمل تلات سلاسل ونعمل سبع اعمدة وسط الخمس سلاسل وتلات سلاسل ونعيد نفس التطبيق لاخر السطر



السطر الرابع

نطلع بسلسلة ونعمل الغرز الحشو 18 المرة دي ونعمل تلات سلاسل ونعمل 13 عمود على الاعمدة 11 من السطر السابق وتلات سلاسل ونعيد نفس الشئ لاخر السطر



السطر الخامس

نعمل نفس الشئ نطلع بسلسلة ونعمل غرز الحشو المرة دي نعمل 14 غرزة حشو ونعمل تلات سلاسل ونعمل عمود على اول عمود من السطر السابق وسلستين وعمود على العمود التالت وسلسلتين وعمود على العمود الخامس ونمشي كده لغاية مايصير عندنا سبع اعمدة وتلات سلاسل ونعمل الغرز الحشو



السطر السادس



السطر السابع



السطر التامن



السطر التاسع

















السطر العاشر والاخير








بعد ماخلصنا الاسطر السابقة الان حنشتغل تحت المراوح بتاعتنا نقلبهم لفوق للامام مش من الضهر ونروح للبداية ونعمل على كل عمود نعمل عمود وسلستين ونمشي كده لاخر السطر







ونعيد السطر مرتين



جنعمل المراوح بتاعتنا فوق غرز الحشو الاولى متل الصورة







انا هنا ابتدييت بسبع سلاسل وكل مرة بطلع بتلات سلاسل كبداية لكل سطر.

ونعيد نفس الاسطر الي سبق وعملناها لغاية السطر العاشر ونتقابل بعد ماتخلصوهم.

سبحان الله

نكمل بادن الله شرح الجزء الاخير من الفستان.

نخيط الحمالات بتاعت الفستان ونلزق الخيط تحت الباط ونشتغل كله غرزة حشو او غرزة البريد دوران على كل الاعمدة والسلاسل الموجودة في فتحة الكم ولما نوصل للمكان الي حنطلع منه نعمل تلات غرز حشو مرة واحدة فقط في اول سطر ونعيد السطر ده تلات مرات يعني نمعمله اربع مرات



وبعد مانعمل اربع اسطر نعمل وسط غرزة واحدة سبع اعمدة ونعد غرزتين حشو ونعمل على التالتة غرزة حشو ونسيب اتنين ونعمل على التالتة سبع اعمدة ونمشي كده لاخر السطر .
ونشتغل الجهة التانية بنفس الطريقة.
ونعمل كولة الرقبة نفس الشئ لما نوصل للجوانب نعمل تلات غرز حشو مع بعض في اول سطر ونكمل لغاية رابع سطر ونعمل السبع اعمدة.






وكده نكون خلصنا.

طريقة عمل الاوراق التي تزين الفستان


نبتدي بعمل 14 غرزة سلسلة





ونطلع بسلسلة واحدة ونعمل غرزة حشو على تاني سلسلة



ونعمل غرزة حشو تانية على تالت سلسلة ونعمل عمود على رابع سلسلة وعمود تاني على السلسلة الي بعد كده ونعمل عمود بلفتين وعمود تاني بلفتين ونعمل عمود بتلات لفات وايضا عمود بتلات لفات ونرجع ننقص نعمل عمود ين بلفتين وعمودين بلفة وغرزتين حشو ونكون وصلنا لاخر سلسلة من 14 الي عملناهم في البداية.







وهدا شكل الورقة بعد ماكملت




وبعد ماعملنا سلسلتين نعمل غرزة حشو علة كل غرزة حشو وعلى كل الاعمدة لغاية مانوصل للجهة التانية ونعمل سلسلة واحدة ونعمل الغرز الحشو وبعد مانكمل نعمل غرزة منزلقة وسط السلسلتين الي ابتدينا بيهم في اول السطر.



وهدا شكلها النهائي



تطبيق الوردة الجوري

نبتدي بعمل 40 غرزة سلسال



السطر الاول

نعمل تلات سلاسل ونعملاول عمود على السلسلة الرابعة ونسيب سلسلة ونعمل عمود على السلسلة التالية وعمود تاني في نفس المكان الي عملنا فيه العمود وسلسلة ونسيب سلسلة ونعمل عمودين في نفس الغرزة ونمشي على كده طول السطر.



السطر التاني

نطلع بتلات سلاسل ونعمل عمودين وسط السلسال بتاع السطر السابق وتلات سلاسل وعمودين على كل سلسلة عملناها في السطر السابق







السطر التالت والاخير

نطلع بتلات سلاسل ونعمل وسط التلات سلاسل تسع اعمدة مع التلات سلاسل يبقو عشر اعمدة نعملها وسط كل السلاسل التلات الموجودة في السطر التاني





وهدا شكل الوردة بعد ماجمعناها من تحت نلفها كلها على بعضها




وبكده نكون خلصنا الفستان فاضل بس نشوف تطبيقاتكن يا قمرات وكل ورشة وانتن بالف خير.

شهد البنات كتب:

يأرب يرزقكى من حيث لاتحتسبين .....جزاكى الله خير ...أختك جاهزة يعمرى ....كم مقدار الخيط يوجة الخير .....ماتدرى قدايش فرح المؤمن الله يسعدك بالدريين ....

اهلا حبيبتي شهد ان شاء الله نبتديه في اقرب فرصة لو لقيت وقت اليوم او بكرة انزلك اول الشرح .
الفستان حياخد 200 او 250 غرام .
ربنا يسعدك انت كمان حبيبتي ويحفضلك بنوتك .

تسلميلنا سمسم فستان رووووعه الله كتير حلو انشاءالله مشاركة معكن بس بدنا نشد ايدينا عشان نخاصه على بكير

مبروك عليكن الورشة ويعطيكن الف عافية يا غاليات

السلام عليكم كل سنة وانتم طيبين والف مبروك على الورشة الجميلة دى ممكن اعرف ياخد كام جرام لعمر سنتين

يسلموا سمورة كثير ان شاء الله اضم لكم لما اخلص الطاقم بيدي لان تعرفي ظروفي بس وعد اعمله وفي عندي خيط هذا ينفع ولا اشترى خيط سادة " لون واحد

وزن 100جرام و طوله خيط 500متر

"

مثل خيط مفرش

ماشاء فستان جميل ان شاء الله معكم

الف مبروك الورشه حببتي وجزاك الله خير عننا كلنا
الفستان يجنن اكيد حتعمليه لايمان

ام نزار كتب:

تسلميلنا سمسم فستان رووووعه الله كتير حلو انشاءالله مشاركة معكن بس بدنا نشد ايدينا عشان نخاصه على بكير

اهلا حبيبتي ام نزار نورتي الورشة والله وحشني الشغل معاكي بقالنا زمان ههههههههههه.
ياله الشرح وصل روحي للصفحة الاولى .

narfout كتب:

مبروك عليكن الورشة ويعطيكن الف عافية يا غاليات

الله يبارك فيكي حبيبتي ميرفت تسلمي يا قمر

ام سلومة كتب:

السلام عليكم كل سنة وانتم طيبين والف مبروك على الورشة الجميلة دى ممكن اعرف ياخد كام جرام لعمر سنتين

اهلا حبيبتي ام سلومة نورتي الورشة .وكل سنة وانت طيبة ورمضان كريم.الله يبارك فيكي حبيبتي البلوزة ان شاء الله حتاخد 200 او 250 غرام .
الشرح وصل روحي للصفحة الاولى.

بسمة زهرة كتب:

يسلموا سمورة كثير ان شاء الله اضم لكم لما اخلص الطاقم بيدي لان تعرفي ظروفي بس وعد اعمله وفي عندي خيط هذا ينفع ولا اشترى خيط سادة " لون واحد

وزن 100جرام و طوله خيط 500متر

"

مثل خيط مفرش

اهلا حبيبتي سلمى نورتي الورشة ايوة كده خليكي معانا ههههههههههه ايوة عارفة ضروفك حبيبتي وان شاء الله تخلصي كل شئ وتعمليها معانا.
الصوف حلوة كتير واكيد حتنفع.

أميرة الساحل كتب:

ماشاء فستان جميل ان شاء الله معكم

اهلا بيكي اميرة تنوري الورشة وصاحبتها.

مشكورة سمورة فعلا طلعت غرزة سهلة قوى

وان شاء الله اعملها بعد اخلص الشغل في ايدي

ولكن تم حفظ الصور عندي بلاش يروحوا من مزكر التحميل هههههههههههههههههه

بسمة زهرة كتب:

سمورة فعلا طلعت غرزة سهلة قوى

وان شاء الله اعملها بعد اخلص الشغل في ايدي

ولكن تم حفظ الصور عندي بلاش يروحوا من مزكر التحميل هههههههههههههههههه

ايوة حبيبتي هي فعلا غرزة سهلة كتير ياله خليها عندك يمكن الصور تطير مين عارف ههههههههههه.
على مرورك الجميل متلك حبيبتي

ام سلومة كتب:

اختى سمورة بارك الله فيك شرح روعة وسهلة قوى بس انا معلش هتاخر شوية فى التطبيق استحملينى معلش وكنت عايزة اتاكد ان الشغل من تحت لفوق صح ولة غلط احنا اختلفنا شوية بس سلومة بتقول انه من عند الوسط لفوق

ويبارك فيكي حبيبتي ام سلومة وفي بنوتك الحلوة.مش مشكلة اختي ولو ان الفستان سهل وحيخلص بسرعة.
الفستان بيبتدي من تحت لفوق وبعدين نرجع نشتغل الحاشية الي تحت.
انا وضحتلك في الصورة نبتدي بالمكان الي تحت وبعدين نوصل لرقم اتنين وبعدين لرقم تلاتة.
سلومة عندها حق من تحت لفوق.ياله اشتغلي ده هل وبلاش كسل.

ام طارق كتب:

الف مبروك الورشه حببتي وجزاك الله خير عننا كلنا
الفستان يجنن اكيد حتعمليه لايمان

اهلا حبيبتي نجلاء وكل سمة وانت طيبة ورمضان كريم
ايوة ان شاء الله حعمله لايمان.
حبيبتي على مرورك الراقي

وينكم يا بنات مش قلتو عاوزين الفستان قبل العيد ياله عاوزة اشوف تطبيقاتكن.