بسم الله الرحمن الرحيم
السلام عليكم ورحمة الله
انتبهى عند شراء التوابل المطحونه فهى للاسف قد تغش من العطارين اشترى فقط من عطار ذو ثقه فمثلا:-
الكمون يغش بالحنه الحمرا ويضاف التلت والتلتين يعنى تلت كمون وتلتين حنه حمرا
افضل انواع الكمون هى البلدى رغم شدة اتساخه وصغر حجم حبته الا انه له نكهه طيبه جدا وسهل الطحن ومذاق جيد جدا
واسوء الانواع السورى رغم نظافته الشديدة ورغم كبر حجم الحبه
الفلفل الاسود يغش للاسف بشىء يسمى الحجر الاسود وهو يستخدم فى صناعه الحنه البغداى والهندى السودا وهو للاسف حجر سام ويسبب السرطان وتقيحات الجلد والفشل الكلوى والكبدى
لو وجدتى الفلفل الاسود المطحون شديد السواد فلا تشتريه لانه للاسف مخلوط ومن نوع ردىء الفلفل لونه الطبيعى مائل للرمادى
افضل انواع الفلفل الاسود هو السنغافورى والهندى واسوءهم هو الباكستانى والايرانى
ان كنتى ستشترى الفلفل الاسود حب فاكسرى الحبه ان كان لونها من الداخل ابيض فهو نوع جيد وان كان داخلها شديد السواد او فارغ فهو للاسف نوع ردىء من الفلفل
الزعفران طبعا اغلبنا بيسمع عنه وطبعا الاخوات الخليجيات يعرفونه جيدا وهو متوفر بالخليج اكتر من مصر وبيتعمل به انواع كتير جدا من الرز
وهو للاسف غالى التمن جدا ودا مش بس لقيمته لا دا لانه مكلف بالزاعه جدا فمثلا لاستخراج حوالى نصف كيلو منه يتطلب زراه مالايقل من 70الف زهرة وللاسف يستخرج يدويا وبايدى خبراء لانه نبات حساس جدا وتوجد الزعفرانه فى قلب الزهرة على هيئه خيط رفيع جدا
وللاسف بعض العطارين بيغشونه تخيلوا بايه عارفين الذرة طبعا الى بناكلها مشويه بياخدوا اعراشها والى بيطلق عليها بالفلاحين شواشى الذرة ويصبغونها وتباع باسعار باهظه او نبات العصفر الى بيتخلل به اللمون والزيتون
ولكى تعرفى الزعفران الاصلى من المغشوش حاجه بسيطه جدا لكن دقيقه فالزعفران الاصلى لونه احمر غامق او نبيتى وعند اطرافه تجدى لون مايل للاصفرار او نوع اخر اطرافه تميل للبياض
اجود الانواع هو الوحيد ودون شك الايرانى فهى البلد تقريبا الوحيدة التى تقوم بزراعته
على فكرة الزعفران من اهم استخداماته غير الطبخ انه مفيد جدا لطرد الديدان من المعدة
الكزبره هى نبات يزرع فى مكان دافى زى مصر كدا وتوكل ثمارة الخضراء وتجفف بذورة التى تكون على شكل الحبيبات المتعارف عليها هنا
للاسف تغش الكزبرة بنشارة الخشب لذا احترسى حين تقومين بشرائها اختارى الصحيحه افضل او المطحونه خشن لان المغشوشه غالبا ماتطحن ناعما كى لا تظهر بها برادة الخشب
وتستخدم ايضا فى حالات المغص فهى لها فائدة تسكين جميله جدا للمعدة والقولون وتعتبر بلامنازع علاج للقولون نهائى وفعال
كمان تستخدم للدوخه ولعلاج الضغط الواطى وتسف نيه دون غلى ام تحميص
كمان بتساعد على زيادة نسبه الكلسيوم والحديد بالدم لانها غنيه بفيتامين سى ودا للاسف مش معروف عنها
كمان هى منشط للبنكرياس وتساعد لمرضى السكر فى افراز الانسولين
يعنى معلقه كدا الصبح على الريق هتقى من امراض كتيرة باذن الله
ياريت نهتم بهذا النبات المهضوم حقه بالبيت المصرى حيث البعض يستخدمها فقط فى طشه الملوخيه والسبانخ فى حين انه نبات يعتبر بمثابه اجرخانه متنقله
الكزبرة المطحونة فلا انصحك على الاطلاق بتركها خارج التلاجه اطلاقا لانها بتعمل دود صغير الحجم وتلاقى ظهرت زى فتلات صغيرة جواها
المستكه:-
المستكه انواع فى تركى ومصرى ومغربى
طبعا التركى هى انضف نوع وهى دى بتاعت الاكل
هو فى اكياس تباع عند محلات العطارة المشهورة زى رجب وخضر انتى قولى له عاوزة مستكه تركى هتلاقى لونها اصفر شفاف لكن الى لونها ابيض دى بتاعت البخور للاسف فى بعض الاماكن الشعبيه بيبعهوها للاكل لرخص تمنها
ممكن استخدامها فى الفراخ واللحمه وهى تسلق نحط نص فص واحد لان نوعها اصلي وبتدي الطعم قوة
وكمان نحط نص فص مع تحمير لسان العصفور بيدى طعم رائع فعلا
يعنى ماتستخسريش فلوسها لانها فعلا رائعه ولا تحلى الشوربه الى بيها
لاتنسى متكتريش علشان ماتمررش
وانا انصحك عامتا لو البهارات مطحونه واى توابل عندك ياريت تكون طازجه اول باول علشان الرائحه متروحش
العمل
المزاج
الخميس أكتوبر 03 2013, 19:07
