ورشة بوليرو لعيون سلمى الصغيرة

ورشة بوليرو للصغيرات لعيون سلمى الصغيرة.
الي تريد ان تشاركنا اهلا وسهلا بيها تنورنا.





















كفاية الموديلات والالوان الجميلة لان في عدة الوان تانية وكلها روعة هههههههههه.

وايضا للكبار نفس البوليرو

بسم الله نبتدي الشرح للبوليرو الجميل.

سوف نبتدئ عكس كل المرات يعني كل مرة بنبتدي من تحت لفوق الان سوف نشتغل من فوق لتحت يعني نبتدي من اعلى الضهر وننزل للوسط.
متل الصورة




اول شئ نعمل سلسلة بمقاس اعلى الضهر يعني من الكتف للكتف وماننساش اننا لسه حنزود لما نوصل لتحت الباط يعني مانعمل سلسلة كبيرة انا عملت 60 فقط.







السطر الاول

نطلع بتلات سلاسل ونعد سلسلة واحدة من السلسلة الي عملنا ونعمل عمود في السلسلة الخامسة من نفس السلسلة



ونعمل سلسلتين ونعمل عمود في نفس العين الي عملنا العمود الاول





ونسيب سلسلتين من السلسال ونعمل عمود في العين التالتة وسلسلتين وعمود في نفس العين الي عملنا فيها العمود ونمشي كده لاخر السطر



ولما نوصل لاخر السلسلة نعمل عمود وسلسلتين وعمود في نفس العين ونعمل عمود في اخر سلسلة







السطر التاني

نطلع بتلات سلاسل



ونروح لوسط العمود والسلسلتين والعمود ونعمل عمود سلسلتين وعمود ونمشي كده لغاية اخر السطر ونعمل عمود على السلاسل التلات الي ابتدينا بيهم السطر الاول.



السطر التالت

نطلع بتلات سلاسل ونعمل العمود والسلسلتين والعمود يعني نعيد نفس السطر التاني .







نعيد السطر لغاية مانوصل للطول بتاع الكم بتاع البنوتة او بتاعنا لو للكبار.







ان شاء الله اكمل الشرح الباقي لما اشوف تطبيقك حبيبتي ام سلومة.



بسم الله نكمل باقي الشرح للضهر.

بعد ماوصلنا للطول الي احنا عاوزين الان نشتغل الزيادة الي تحت الباط.

الصطر الاول

نطلع بتلات سلاسل وندخل وسط العمود والسلسلتين والعمود ونعمل عمود وسلسلة وعمود ونعمل كمان عمود وسلسلة وعمود ونكمل الباقي عادي



ولما نوصل لاخر السطر نعمل نفس الشئ



السطر التاني

نطلع بتلات سلاسل ونشتغل وسط العمود والسلسلة والعمود الاولى نعمل عمود وسلسلتين وعمود ونعمل نفس الشئ في العمود والسلسلة والعمود ونكمل السطر عادي.



اخر السطر







السطر التالت

نطلع بتلات سلاسل ونعمل نفس السطر الاول من الزيادة عمود وسلسلة وعمود وعمود وسلسلة وعمود وسط اول عمود وسلسلتين وعود من السطر السابق







السطر الرابع





السطر الخامس

نعيد نفس سطر الزيادة







السطر السادس

نشتغل متل السطر التاني



السطر السابع نشتغل نفس الشئ من غير زيادة ونكمل لغاية مانوصل للطول المناسب .






ونتثابل بعد ماتكملي التطبيق.

الحمد الله

بسم الله بكمل باقي الشرح للبوليرو.

اشتغلنا الضهر وخلصناه اليوم سوف اشرح طريقة عمل الجهة الامامية بادن الله.هو فقط سطر واحد بنبتديه من اول السلسلة ونكمل للاخر.وكل واحدة تقيس على دوران الكم.

اول شئ نعمل سلسلة عددها 12



نحسب من السلسلة خمس عيون ونعمل منزلقة في السادسة يعني حنعمل دائرة في السلاسل الستة ونسيب الستة التانيين



نعمل بعد كده غرزة منزلقة على اول سلسلة من السلاسل الستة الفاضلين وغرزة تانية على تاني سلسلة وغرزة تالتة على تالت سلسلة



ونعمل عمود وسط الدائرة وعمود تاني في وسطها ايضا



نطلع بخمس سلاسل



ونعمل وسط الدائرة تلات اعمدة وخمس سلاسل



وايضا تلات اعمدة



نعمل 12 سلسلة



نعمل دائرة على العين السادسة متل اول مرة



وتلا غرز منزلقة على التلات سلاسل



ونعيد نفس التطبيق الي عملنا في اول نصف وردة







ونعيد  12 سلاسلة




ونكمل متل ماعملنا في السابق



واحنا بنشتغل نقيس على الكم علشان ماتطلع الورود اكبر او اصغر متل الصورة التالية



كده خلصنا اول نصف الوردات الان نشتغل الوردات من فوق

نعمل خمس سلاسل ونعمل تلات اعمدة وسط الدائرة وخمس سلاسل وتلات اعمدة وخمس سلاسل وتلات اعمدة



وسلسلتين

الله اكبر
نكمل باقي الشرح للبوليرو بادن الله.

احنا بعد ماعملنا الوردات



نطلع في نفس المكان الي لزقنا الخيط بغرزة منزلقة نعمل ارع سلاسل ونلزقهم في السلاسل الخمسة التاليين





واربع سلاسل تانيين ونشبكهم على الخمس سلاسل الي بعد كده



ونمشي كده لاخر الوردات الي في الجهة الاولى







لما نوصل للجهة التانية من الوردات نعمل متل الصورة





لما نوصل للوردة التانية نعمل اربع سلاسل وعمود اول ومانطلع الخيط من الابرة ونعمل عمود تاني في الوردة التانية متل الصورة ونطلعهم مع بعض



ونكمل الشغل اربع سلاسل ونشبكهم في السلاسل الخمسة التاليين





ونمشي كده لاخر الوردات ونلزق الخيط مع اول البداية

وده الشكل الي حنجصل عليه



بعد ماخلصنا السلاسل الان سوف نشتغل الاعمدة الي على السلاسل لكن فقط من جهة واحدة وهي الجهة الي عملنا فيها الزيادة يعني جهة العمودين مع بعض الجهة التانية مش حنشتغلها .

لو حبيبتي تقطعي الخيط وتبتدي لو لا كلي بنفس الخيط متل ماعملت انا بس حنشتغل من الخلف

نمشي وسط السلاسل الاربعة بغرزة عادية ونوصل وسط السلاسل التاليين ونعمل تلات سلاسل واربع اعمدة متل الصورة



ونشتغل وسط كل اربع سلاسل اربع اعمدة ولما نوصل لاخر اربع سلاسل نعمل اربع خمس اعمدة ونقطع الخيط.

وده الشكل النهائي للسطر ده



نشتغل الان متل البداية للجهة الامامية الوردات لو عملتي اربع وردات الان حتعملي ستة وردات يعني بتزودي اتنين وردات انا عملت البداية خمس وردات والان سبع وردات





بعد مانخلصهم نعمل التلات اعمدة ونطلع بسلسلتين ونروح للجهة الي سبق وعملناها ونشبك العمودن بمنزلقة على اول عمود عندنا في الجهة الي عملنا فيها الاعمدة وسلسلتين ونرجع للوردة نشتغل التلات اعمدة ونعمل سلسلتين ونعد الاربع اعمدة ونشبكهم بعدهم يعني كل مرة نشبكهم بين السلاسل الاربعة (بين كل اربع اعمدة عملناهم والاربع التاليين نشبك السلسلتين علشان يطلع العدد مضبوط ومايفضل عندنا اي زيادة في اخر السطر)





ونكمل التلات اعمدة الي فاضلين من الوردة ونعمل سلسلتين ونشبكهم متل العادة وسلسلتين ونروح وسط الوردة نعمل تلات اعمدة وسلسلتين ونعيد نفس الشئ ونستمر كده لاخر السطر







وبعد مانكمل الوردات نعمل متل ماعملنا بعد ماخلصنا الوردات الاولى نعمل السلاسل والعمودين لو طلع المقاس لغاية كده تمام على بنتك ماتزودي كفاية كده لو لسه اشتغلي السلاسل والاعمدة الي فاضلين.







وتشتغلي سطر الاعمدة وكده يكون الشرح خلص للجهة الامامية وتعملي نفس الشئ للجهة التانية ونتقابل بعد ماتخلصوه علشان الاكمام والحاشية بادن الله.





 

الحمد الله

بسم الله نبتدي شرح الكم وطريقة عمله

اول شئ نعمل سلسلة عددها 13



السطر الاول


ونزيد تلا سلاسل كعمود اول ونعد التلات سلاسل مع اتنين من السلسلة 13 ييعني خمس سلاسل ونشبك في العين السادسة نعمل اول عمود وسلسلة وعمود على نفس العين وسلسلة وعمود تالت على نفس العين




ونسيب سلسلتين من ال13 ونعمل في العين التالتة عمود وسلسلة وعمود وسلسلة وعمود



ونكمل بنفس الطريقة لاخر السلسلة ونعمل في الاخر عمود واحد متل الصورة



السطر التاني

نطلع بتلات سلاسل



ونروح وسط اول عمود وسلسلة من السطر الاول ونعمل وسطهم عمود وسلسلة وعمود وسلسلة وعمود



ونعمل وسط كل عمود وسلسلة وعمود من السطر الاول نعمل عمود وسلسلتين وعمود متل الصورة ولما نوصل لاخر عمود وسلسلة وعمود نعمل وسطهم عمود وسلسلة وعمود وسلسلة وعمود وعمود اخر على اخر عمود



السطر التالت

نطلع بتلات سلاسل ونعمل وسط اول عمود وسلسلة وعمود نعمل عمود وسلسلتين وعمود ونروح للتالي ونعمل نفس الشئ ونشتغل الباقي بنفس الطريقة من غير اي تغيير ولما نوصل للاخر نعمل نفس الي عملناه في البداية



السطر الرابع والخامس

نشتغلهم متل ماهما من غير اي تغيير.





السطر السادس

نطلع بتلات سلاسل ونعمل وسط اول عمود وسلسلتين وعمود نعمل متل الزيادة الي عملنا للضهر نعمل عمود وسلسلة وعمود وسلسلة وعمود ونشتغل الباقي متل ماهو ولما نوصل لاخر عمودين نعمل نفس الزيادة.



السطر السابع

نشتغل وسط كل زيادة عملناها عمود وسلسلتين وعمود .
ونعيد نفس السطر السادس والسابع لغاية مانوصل للطول المناسب للكم ولسه فاضل الحاشية حكملها غدا بادن الله.







وده شكل الكم



بعد مانوصل لهنا نشتغل السطر التالي كله سلاسل نعمل خمس سلاسل ونشبكهم وسط السلسلتين ونمشي كده لاخر السطر



السطر التاني

نطلعع بخمس سلاسل ونشبكهم وسط السلاسل التاليين وكمان خمس سلاسل ونشبكهم وسط الخمس سلاسل الي بعدهم ونعمل وسط الخمس سلاسل التالتين نعمل تماني اعمدة ونشبك وسط السلاسل الي بعد كده وخمس سلاسل ونشبكهم وسط الخمس سلاسل التاليين وخمس سلاسل ونشبكهم وسط الخمس سلاسل الي بعدهم ونكمل متل الصورة



السطر التالت

نطلع بخمس سلاسل ونشبكهم وسط السلاسل الخمسة من السطر السابق ونعمل عمود على اول عمود وسلسلتين وعمود على العمود التاني وسلسلتين ونمشي كده لاخر الاعمدة التماني ونشبك الخيط وسط السلاسل الخمسة ونعيد نفس الشئ لاخر السطر





السطر الاخير

نعمل وسط كل سلسلتين تلات سلاسل ونشبكهم ونمشي متل الصورة على طول السطر





وده شكل الكم بعد مايخلص

حبيبتى سمارة منحرمش يارب منك ابدا وبوسة كبيرة قوى من سلمى

ام سلومة كتب:

حبيبتى سمارة منحرمش يارب منك ابدا وبوسة كبيرة قوى من سلمى

العفو حبيبتي ام سلومة وانتضري الشرح اليوم بادن الله.و على البوسة

الشرح وصل وعاوزة اشوف تطبيقك لو حابة تخلصي البوليرو بسرعة .

مبارك لكم الورشة ومبارك لسلومة ضغيروووو

ما شاء الله البليرو تحفه يسلموااديك سموره وجزاك الله عنا كل خير

بسمة زهرة كتب:

مبارك لكم الورشة ومبارك لسلومة ضغيروووو

الله يبارك فيكي حبيبتي سلمى

ام طارق كتب:

ما شاء الله البليرو تحفه يسلموااديك سموره وجزاك الله عنا كل خير

ونسلمي حبيبتي على مرورك الجميل

بارك الله فيك

nina3 كتب:

بارك الله فيك

اشكرك حبيبتي نينا ربنا يبارك فيكي

ان شاء الله حبيبتى هوريكى التطبيق بكرة ربنا يبارك فيكى

ام سلومة كتب:

ان شاء الله حبيبتى هوريكى التطبيق بكرة ربنا يبارك فيكى

ويبارك فيكي حبيبتي ياله منتضراكي يا قمر علشان نكمل الشرح.

سمارة حبيبتى عاملة ايه معلش حمادة تعبان قوى ادعيلوه اتاخرت عليكى شوية

السلام عليكم سماره هو عدد السلاسل لازم يكون زوجى صح 60 حسيت انه ضيق شوى على الحلوه اعمل مثلا 66 ينفع حبيبتى

ام سلومة كتب:

سمارة حبيبتى عاملة ايه معلش حمادة تعبان قوى ادعيلوه اتاخرت عليكى شوية

الف سلامة علي حمادة لاحبيبتي خلصي على مهلك صحة ابنك هي الاولى ربنا يشفيه ويشفي جميع المرضى.

شهد البنات كتب:

السلام عليكم سماره هو عدد السلاسل لازم يكون زوجى صح 60 حسيت انه ضيق شوى على الحلوه اعمل مثلا 66 ينفع حبيبتى

اهلا حبيبتي شهد ازيك وحشاني ان شاء الله تكوني كويسة وكل عام وانت طيبة.
انت ممكن تعملي اي مقاس غير احنا هنا بنبتدي بالضهر من فوق يعني ناخد باعتبار انا لسه حنزود تحت الباط علشان زي ماقلت الشغل هنا معكوس انت قيسي على رقبة بنوتك من كتف للكتف التاني واشاغلي ولما تخلصي طول اوقفي علشان حنزود للضهر من تحت.

سمارة معلش مش فاهمة احنا بنشتغل لحد فين بالظبط تحت الباط على طول ولة فين انا واقفة لتحت الباط اعمل ايه تانى

ام سلومة كتب:

سمارة معلش مش فاهمة احنا بنشتغل لحد فين بالظبط تحت الباط على طول ولة فين انا واقفة لتحت الباط اعمل ايه تانى

طيب يا قمر نزلي تطبيقك وانا اكملك الشرح لتحت الباط وازاي تزودي.منتضراكي.

اتفضلى سمارة التطبيق  ومعلش الصور مش واضحة مش عارفةالكاميرا مالها 
[ندعوك للتسجيل في المنتدى أو التعريف بنفسك لمعاينة هذا الرابط]

ام سلومة كتب:

اتفضلى سمارة التطبيق  ومعلش الصور مش واضحة مش عارفةالكاميرا مالها 
[ندعوك للتسجيل في المنتدى أو التعريف بنفسك لمعاينة هذا الرابط]

ماشاء الله عليكي تطبيقك حلو حبيبتي ام سلومة واسفة لاني مارديت عليكي من قبل معانا اختي واولادها وماعندي اي وقت افتح الجهاز او اقعد لان ماشاء الله عليهم ايمي وادم بيسبقوني ومافي اي حد يقدر يشيل اديهم من على الفارة او الكيبورد هههههههههههههههه.
شوية وانزلك الشرح.

الشرج وصل حبيبتي ام سلومة.