ورشة الجاكيت الازرق

اهلا بكن معانا في ورشة الجاكيت الازرق الدي تم اختياره من طرف الجميع.

بسم الله
اهلا بكل البنات اليوم وبادن الله غاديين نبداو ورشة الجاكيت .
الجاكيت معمول بتلات غرز غرزة الضهر وغرزة الحاشية وغرزة الامام وهدا الباترون الي غاديين نشتغل عليه انا علمت رقم Aهو الي نشتغل به الضهر.



والغرز المستعملة فقط غرزة العمود بلفة واحدة وغرزة السلسلة وغرزة الحشو وغرزة البيكو.

والجميلات الي معانا في الورشة في

فيري
عاشقة الكروشيه
شهد البنات
العبدية

نبتدي على بركة الله الورشة

اول شئ نعمل سلسلة طويلة انا عملت 120 لو تحبو خدو مقاس جاكيت عندكم فقط الضهر.

السطر الاول

بعد ماعملنا سلسلتنا الطويلة نزود 5 سلاسل ونعد من السلسلة اربع سلاسل ونلزق التسع سلاسل الي عندنا في العين التاسعة متل الصورة ونعمل 5 سلاسل ونعد تلات سلاسل ونلزق في الرابعة بغرزة حشو ونعمل خمس سلاسل ونلزقهم بغرزة حشو في العين الرابعة ونمشي بنفس الطريقة لاخر السطر ونلزق الخمس سلاسل في اخر عين من السلسلة.





السطر التاني

نطلع بتلات سلاسل كعمود اول ونعمل اول عمود وسط السلاسل الخمسة من السطر السابق وعمود تاني وعمود تالت وسلسلة ونعمل تلات اعمدة كل ده وسط السلاسل الخمسة وسلسلة واحدة ونسيب خمس سلاسل التانيين ونروح للي بعدهم( متل ماوضحت في الصورة السابقة نشتغل في خمس سلاسل ونسيب الخمس سلاسل التاليين )ونعمل نفس الشئ مروحة تلات اعمدة وسلسلة وتلات اعمدة وسلسلة ونكمل بنفس الطريقة لاخر السطر ولما نوصل لاخر مروحة نعمل عمود عمان يعني يكون عندنا تلات اعمدة وسلسلة وتلات اعمدة زائد عمود رابع.





السطر التالت

نطلع بتلات سلاسل ونروح وسط المروحة للسلسلة الوحيدة ونعمل عمود وتلات سلاسل وعمود ونعمل تلات سلاسل ونروح ناخد السلسلة وكمان السلاسل الخمسة الي عملناهم في اول سطر فاكرينهم الي ماشتغلناهم وتركناهم ناخد الاتنين مع بعض في غرزة حشو ونعمل تلات سلاسل وعمود وسط المروحة وتلات سلاسل وعمود وتلات سلاسل وناخد كمان السلسلة والسلاسل الخمسة بغرزة حشو ونمشي بنفس الطريقة لاخر السطر ونعمل في الاخر تلات سلاسل ونلزقهم على اول تلات سلاسل عملناها





السطر الرابع

نطلع بتلا سلاسل كعمود اول ونعمل وسط العمود وتلات سلاسل وعمود نعمل مروحتنا يعني تلات اعمدة وسلسلة وتلات اعمدة وسلسلة ونمشي كده لاخر السطر



السطر الخامس

نطلع بتلات سلاسل ونروح وسط المروحة ونعمل عمود وتلات سلاسل وعمود ونعمل غرزة حشو على السلسلة الي بين المروحات ونمشي على كده لاخر السطر



السطر السادس

نطلع بتلات سلاسل ونعمل متل السطر الرابع كله مراوح

السطر السابع

نعمل متل السطر الخامس كله عمود وتلات سلاسل وعمود وغرزة حشو وسط السلسلة الي بين المروحات.

ونعيد نفس السطرين طول التطبيق .
ياله يا قمرات اشتغلو بالتوفيق.

الحمد الله

نبتدي على بركة الله عمل الوحدة المعمول بيها الجاكيت

اول شئ نعمل سلسلة عددها ستة ونقفلها.

السطر الاول

نطلع بتلات سلاسل ونعمل وسط الدائرة23عمود يعني يطلع عندنا 24 بالتلات سلاسل ونقفل الدائرة على اول التلات سلاسل عملناهم.



السطر التاني

نطلع بتلات سلاسل ونعمل على الاعمدة24 بتاعت السطر الاول 40 عمود .



السطر التالت

نطلع بتلات سلاسل ونعمل عمود كمان في نفس العين وتلات سلاسل ونعد اربع اعمدة من السطر التاني ونعمل على العمود الخامس عمودين وتلات سلاسل وعمودين ونعمل تلات سلاسل ونعد اربع اعمدة ونعمل على الخامس نفس المروحة يعني عمودين وتلات سلاسل وعمودين ونمشي كده لاخر السطر ولما نوصل للاخر نعمل على نفس العين الي عملنا فيها التلات سلاسل والعمود نعمل عمودين وتلات سلاسل ونقفل على التلات سلاسل بتوع البداية ويكون عندنا 8 مراوح.







السطر الاخير

نروح بغرزة المنزلقة لوسط التلات سلاسل ونعمل سلسلتين ونعمل عمود وسط التلات سلاسل بتوع المروحة وغرزة بيكو وسلسلة وعمود تاني وبيكو وسلسلة وعمود تالت وبيكو وسلسلتين ونلزق السلسلتين وسط التلات سلاسل الي بعد المروحة ونطلع ب17 سلسلة ونرجع نلزقها على التلات سلاسل وسلسلتين ونعيد التلات اعمدة مع البيكو وسط المروحة التانية ونعمل سلسلتين ونلزقهم على التلات سلاسل الي بعد المروحة التانية ونعمل ايضا سلسلتين ونعمل الاعمدة التلاتة وسط المروحة التالتة وسلسلتين ونعيد ال17 سلسلة ونمشي كده لاخر السطر وده الشكل النهائي للوحدة الكروشيه الي عملتها.













ولما نعمل التانية نلزقها على العلامات الي عملت نلزقها وسط السلاسل 17 ووسط البيكو التاني متل ماانا موضحة في الصورة.

حمعة مباركة للجميع

شرح نصف الوحدة التي سوف نستعملها في الرقبة من الجهتين لكي يكون عندنا شكل سبعة

اول شئ نعمل سلسلة عددها ستة

السطر الاول

نطلع بتلات سلاسل ونشتغل وسط الدائرة متل ماعملت انا في الصورة يعني نعمل نصف العدد 12 ونزود عمودين او تلاتة





السطر التاني



السطر التالت



السطر الرابع

انا اشتغلت السطر الاخير لكي ابين الطريقة انت حبيبتي فيري اشتغليه مع البلوزة والزقي كل جهة متل ماانا موضحة في الصورة الاخيرة .







انا طلع عندي في الوحدات 11 وحدة مع النصف وحدة وهدا من كل جهة يعني اشتغلت 22 وحدة.

بسم الله نكمل باقي الشرح للجاكيت

بعد ماخلصنا كل الوحدات وخيطنا الجاكيت الان وبادن الله نعمل الحاشية الي تحت.

اول شئ نبتدي بيه هو عمل السلاسل الي حتربط بين البيكو والسلاسل ال17 متل ماانا موضحة في الصورة نعمل اربع سلاسل بين البيكو الاول والتالت ونمشي متل الصورة



وبعد ما نعمل السطر كله داير على الجاكيت من تحت فقط لا نشتغل الحاشية الامامية للصدر
نلف الشغل ونعمل وسط الاربع سلاسل الاولى نعمل عمودين وسلسلستين وعمودين كلهم داخل الاربع سلاسل ونعمل ايضا على الاربع سلاسل الي بعد كده عمودين وسلسلتين وعمودين ونمشي كده لاخر السطر





السطر التالت

نطلع بتلات سلاسل ونلف الشغل ونعمل وسط العمودين والسلسلتين والعمودين نفس الشئ يعني عمودين وسلسلتين وعمودين ونمشي كده لاخر السطر



ونشتغل حسب رغبتنا سطرين او تلاتة او اكتر متل الجاكيت الي عندنا.

السطر الاخير

نطلع بسلسلة ونعمل على كل عمود غرزة النصف عمود وعلى كل سلسلة ايضا غرزة نصف عمود وكده نكون خلصنا الحاشية الي تحت.

الحمد الله

نكمل باقي الشرح

بعد ماعملنا الحاشية الي تحت الان سوف نعمل بادن الله الكول او رقبة الجاكيت.

نبتدي على بركة الله

اول شئ نلزق الخيط وسط البيكو ونعمل اربع سلاسل ونلزقهم على البيكو التالت متل الصورة واربع سلاسل ونلزقهم وسط السلاسل ونمشي كده لغاية مانعمل عشرة من الاربع سلاسل او 12 او 14 المهم يكون العدد مزدوج وبعد مانوصل لاخر عين في الجهة الامامية يعني مانشتغل الضهر فقط الجهة الامامية نقطع الخيط ونعمل نفس الشئ للجهة التانية.



السطر الاول

ندخل وسط الاربع سلاسل ونطلع بتلات سلاسل ونعمل خمس اعمدة وسلسلة واحدة وستة اعمدة ونعمل غرزة منزلقة وسط السلاسل التانيين ونعمل وسط السلاسل التالتة ستة اعمدة وسلسلة وستة اعمدة ونعمل منزلقة على السلاسل الرابعة ونمشي كده لغاية الضهر ونعمل وسط كل مروحة نفس الشئ ونكمل للجهة التانية



وده شكل الكول بعد السطر الاول




السطر التاني

نطلع بتلات سلاسل ونعمل وسط السلسلة الوحيدة ستة اعمدة وسلسلة وستة اعمدة ونعمل على المنزلقة عمود ونعمل على السلسلة الي وسط الاعمدة 12 نفس الشئ ستة اعمدة وسلسلة وستة اعمدة ونعمل على المنزلقة عمود ونمشي كده لاخر السطر.



السطر التالت

نطلع بتلات سلاسل ونعمل نفس الشئ وسط الستة اعمدة والسلسلة والستة اعمدة ونعمل على العمود عمود بلفة خلفية لو كنا بنشتغل في ضهر الكول لو في الجهة الامامية نعمل غرزة عمود امامية يعني نشتغل غرزة عمود خلفية ونحن نشتغل الجهة الخلفية للكول وللجهة الامامية نعمل عمود امامي ونعيد نفس الشئ طول السطر



ونعيد نفس السطر لغاية الطول المناسب ونقطع الخيط .

بالنسبة للجهة الامامية نعمل نفس الشئ نطلع باربع سلاسل ومنزلقة متل ماعملنا للحاشية الي تحت وحاشية الكول ونعمل السطر الاول كله انصاف عواميد وسط كل اربع سلاسل نعمل تلات او اربع نصف عمود ونمشي لاخر السطر.
انا اشتغلت يمكن خمس اسطر من انصاف الاعمدة علشان الحاشية تضهر وعملت مكان الزراير في الجهة الامامية عملت 15 غرزة نصف عمود وتلات سلاسل وسيبت غرزة نصف عمود تحت ولزقت في الغرزة الي بعد كده .
السطر الاخير
تطلعي بتلا سلاسل وتعملي في نفس العين تلات اعمدة وتلات سلاسل وتسيبي تلات غرز نصف عمود وتلزقي التلات سلاسل في الرابعة وتطلعي بتلات سلاسل وتلات اعمدة وتلات سلاسل وتلزقيهم في العين الرابعة وتمشي كده للاخر وتقطعي الخيط.
وتشتغلي بنفس الطريقة الجهة التانية







وده شكل الكول والحاشية الامامية بعد ماخلصتها











وهدا شكل الجاكيت بعد اذما خيطت الاكمام لسه فاضل التشطيب والزراير.







وكده نكون وصلنا لنهاية الورشة ونلتقي بادن الله مع ورشة جديدة قريبا.

سمارة حبيبتى انا زعلانة مرررره مافى صور للجاكيت الازرق .مانى عارفه شكله كيف ومعاكى طبعافى 2 الله يوفقك يقمررر...

شهد الصورة ظاهرة فى اول صفحة جربى تانى اوشوفيها فى موضوع تعالو نختار نعمل ايه للشتاء

ه الورشة ابتدات ولا لاء

شهد البنات كتب:

سمارة حبيبتى انا زعلانة مرررره مافى صور للجاكيت الازرق .مانى عارفه شكله كيف ومعاكى طبعافى 2 الله يوفقك يقمررر...

لا حبيبتي شهد مش حقدر على زعلك لو مش ضاهرة عندك الصورة ابعتهالك على الخاص انت تامري يا جميل.وان شاء الله بكرة نبتدي الشرح .

العبدية كتب:

ه الورشة ابتدات ولا لاء

اهلا اختي العبدية الورشة ان شاء الله غادية تبدى غدا .

عاشقة الكروشية كتب:

جزاكي الله كل خير سمورتنا الغاليه

ربي مايحرمنا منك حبيبتي

بإنتظــــــــــــــــــــــــارك ع احــر من الجــمر

وما يحرمني منكم جميعا حبيبتي شيمو جهزي الخيوط لاننا غدا سوف نبتدا بادن الله.

اسفه حبيبتى ام سلومة سمارة الصورة ماهى ضاهرة عندى ممكن ترفعيها من مركز ثانى الله يجزاكلى خير ...

شهد البنات كتب:

اسفه حبيبتى ام سلومة سمارة الصورة ماهى ضاهرة عندى ممكن ترفعيها من مركز ثانى الله يجزاكلى خير ...

اتفضلي حبيبتي الصورة

الشرح وصل يابنات ياله على الصفحة الاولى.

السلام عليكم الله يعطيك الصحة راني غدا نبدا معاكم عندي نفس اللون من الخيط
خدي نخدم لنبتي عندها 12 سنة شحال نعمل من غرزة في الاول

العبدية كتب:

السلام عليكم الله يعطيك الصحة راني غدا نبدا معاكم عندي نفس اللون من الخيط
خدي نخدم لنبتي عندها 12 سنة شحال نعمل من غرزة في الاول

اهلا بيكي اختي العبدية حتى انا شريت نفس اللون هههههههههه ياله ابدئي على بركة الله اعملي 80 سلسلة وطلعي بلا زيادة ولا نقصان.

تسلم ايدك وعينك ياجميلة ان شاء الله الخيط الحلو جايلى بكرة وهشتغل على طول ياميس عشان الخيط اللى عندى تعبان اخر حاجة بشتغل منه كوفيات لكن الشغل الجامد ده لازمله خيط غالى ووصيت عليه وجايلى بكره انتظرينى ياقمر

فيرى كتب:

تسلم ايدك وعينك ياجميلة ان شاء الله الخيط الحلو جايلى بكرة وهشتغل على طول ياميس عشان الخيط اللى عندى تعبان اخر حاجة بشتغل منه كوفيات لكن الشغل الجامد ده لازمله خيط غالى ووصيت عليه وجايلى بكره انتظرينى ياقمر

اوكي حبيبتي منتضراك لما تجيبي الخيوط.

راااااااااااااااااااااائع سمورة جميل بجد ربنا يجعله فى ميزان حسناتك يارب

يسلموا سمورة اخيرا شوفته وعجبتني كثير الغرز وممكن عملها جاكيت او صدر فستان كثير حلوة وخاصة لو عملت لونين سوف اجرها لحقا ان شاء الله



اما نحن الحمدلله كثير منيح الان ومرت الايام عليها يعلم الله كما كانت صعبة ولكن كانت تاتي او نسمع اخبار مفرحة عن المقاومة والله يبارك في عمرك ان شاءالله

ان شاء الله معاكى بس فى ايدى بلوفر اخلصه واجى اعمل البلوزة

شهد البنات كتب:

السلام عليكم سمورتى حبيبتى سؤال انتى زعلنه منى مش عارفة اشوف الصورة عملة زى الاطرش بالزفه بشتغلك بس مش عارفة الجاكت شكلة ايش ههههه اعمل ايه بحبك شفت صوره البترون لكن صغيره مررره سؤال ثانى الطول حتى كام الله يعينك عليا ..الشال باذن الله ررراح ابتدى فيه بكرة اذا توفر الخيط الحلو الى مثلك ...بحبك عزيزتى ودا تطبيقى يعمرى اول بدايه خير لله سبحانه وتعالى ...

[ندعوك للتسجيل في المنتدى أو التعريف بنفسك لمعاينة هذا الرابط]

انا نزلت الصورة في ردي عليكي السابق مش عارفة ليه مابتضهرلك انت المتصفح بتاعك ايه غيريه واعملي فايرفوكس .
احنا حنشتغل حسب الطول الي حابين 60 او اكتر لان لسه في الحاشية الي تحت .
وانا كمان بحبك حبيبتي شهد وتطبيقك اكتر من رائع واللون حلو كتير ملبوس الهنا مسبقا يا قمر.


دي صورة الجاكيت لو ماضهرتلك يبقى من المتصفح غيريه

نفسى الجنة كتب:

ان شاء الله معاكى بس فى ايدى بلوفر اخلصه واجى اعمل البلوزة

اهلا بيكي حبيبتي انت تنوري الورشة.