ورشة بونشو بغرزة الزيكزاك

اهلا بكن معانا في ورشة بونشو بغرزة الزيكزاك او التعرجات للبنات الحلوات الي تحب تنضم لينا اهلا وسهلا بيها تنورنا البونشو هو ده













انا نزلته بالوان محتلفة ياله تعالو انضمو لينا في ورشة احلى بونشو للصغار.

بسم الله نبتدي على بركة الله ورشة البونشو

ده باترون البونشو الي حنمشي عليه وهو مقسم لجزئين اول جزء الكول وتاني جزء البونشو من تحت سوف نبتدئ بادن الله بالكول.



اول شئ نعمل سلسلة بمقاس رقبة البنوتة انا عملت 100 سلسلة لسن اربع سنوات لو لسنتين او اقل نعمل مقاس اصغر المهم تقيسي الاول بعد ماتعملي السلسلة على رقبة البنت.



السطر الاول

نطلع بتلات سلاسل ونعمل اول عمود على السلسلة الرابعة من سلسلة الرقبة ونعمل عمود تاني في نفس العين وعمود تالت على العين الي بعد كده وعمود رابع ونعمل تلات سلاسل



ونعد اربع سلاسل من سلسلة الرقبة ونعمل على الخامسة غرزة منزلقة ونعمل تلات سلاسل



ونعمل على العين الخامسة عمود اول وعمود تاني انا في الصورة نسيت وعملت تلات اعمدة هما فقط عمودين وسلسلتين وعمودين على نفس العين وتلات سلاسل ونعيد نفس التطبيق السطر كله ولما نوصل لاخر السلسلة نعمل متل البداية.



ده شكل السطر ده



السطر التاني

نطلع بسلسلة واحدة ونعمل على كل الاعمدة نعمل غرزة نصف عامود ونعمل سلسلتين ونروح وسط غرزة المنزلقة ونعمل تلات اعمدة مرة واحدة متل صدفة وسلسلتين وصدفة تانية على نفس العين وسلسلتين ونعمل على العمود الاول غرزة نصف عمود او بريد وعلى العمود التاني وعلى السلستين وعلى العمود الرابع والخامس وسلسلتين ونعيد نفس الشئ لاخر السطر






السطر التالت

نطلع بتلات سلاسل ونزود عمودين على نفس العين ونعمل الاعمدة الي بعد كده ونعمل تلات سلاسل ومنزلقة وسط الصدفتين وتلات سلاسل ونعمل عمود على اول غرزة نصف عمود وتاني عمود على تاني غرزة وتالت عمود على تالت غرزة ونعمل سلسلتين ونكمل التلات اعمدة ونعمل تلات سلاسل ونعيد نفس التطبيق لاخر السطر






السطر الرابع

السطر ده نعمل سلسلتين بين غرز النصف عامود متل الصورة




السطر الخامس والاخير





وده شكل الكول بعد ماخلص






وكده نكون خلصنا اول جزء نتقابل مع الجزء التاني قريبا بادن الله.

بسم الله نكمل شرح الجزء التاني من ورشة البونشو .
بعد مااشتغلنا الكول او الياقة وده شكله




السطر الاول

نلف الشغل ونرجع لسلسلة البداية ونشتغل الجزء ده نلزق الخيط ونعمل تلات سلاسل كعمود اول ونعمل نفس الاعمدة الي عملناهم في بداية الكول ونكمل تلات سلاسل وغرزة منزلقة على نفس المنزلقة وتلات سلاسل ونعمل عمودين وسلسلتين وعمودين كل دول وسط نفس العين الي عملنا عليها في البداية ونكمل على نفس الطريقة للسطر الاول من الكول او الياقة وده شكل السطر ده





السطر التاني

نطلع بسلسلتين ونعمل على كل عمود من السطر السابق نعمل غرزة نصف عمود ونعمل سلسلتين ونعمل وسط المنزلقة نعمل تلات اعمدة مرة واحدة يعني صدفة وسلسلتين وصدفة تانية وسلسلتين ونعمل غرزة نصف عمود على اول عمود وتاني غرزة نصف عمود على تاني عمود وسلسلتين ونروح للعمود التالت ونعمل عليه غرزة نصف عمود وكمان غرزة نصف عمود على العمود الرابع وسلسلتين ونعيد نفس التطبيق السطر كله



السطر التالت


نفس تطبيق السطر التالت للكول



السطر الرابع

نعمل نفس تطبيق السطر التاني نبتدي بسلسلتين ونعمل على كل عمود غرزة نصف عمود و2 سلاسل وصدفتين على المنزلقة و2 سلاسل وغرزة نصف عمود على كل عمود من الاعمدة التلات الي عملناهم في السطر السابق وسلسلتين ونفس غرز المصف عمود نعملهم على التلات اعمدة الي بعد كده و سلاسلتين ونعيد نفس الشئ لاخر السطر

السطر الخامس





واهو البونشو والكول ابتدى يبانو ويضهرو



السطر السادس



ونعيد نفس الاسطر كل مرة لكن بنزود في عدد العواميد كل مرة نزود اربعة من كل جهة وبينهم سلسلتين وبالنسبة للاسطر 2و4و6و8و10و12و14و16 نعمل نفس الشغل كل مرة الصدفتين وبينهم سلسلتين ونعمل غرز نصف عمود على حسب الاعمدة الي عملنا في السطر السابق لو عندنا تماني اعمدة نعمل تماني غرز نصف عمود ونمشي على كده لغاية اخر البونشو.























كل بداية نعمل تلات سلاسل ونزود عمودين او تلاتة وايضا كل نهاية لازم تكون بنفس عدد الغرز الي ابتدينا بيها السطر.
فاضل فقط تغيير اللون وان شاء الله نتقابل غدا مع باقي الشرح .



السلام عليكم ورحمة الله وبركاته

بعد ماوصلنا تقريبا للطول المناسب وفاضل فقط تغيير اللون نبتدي على بركة الله ودي الطريقة
بعد ماخلصتي السطر وفضل عندك عين واحدة تجيبي الخيط بلون تاني وتدخليه وسط العين وتطلعيه وتشدي العين الي باللون الاول لكي لا تضهر عندنا في الشغل وتعملي سلسلتين لانك حتشتغلي غرزة النصف عمود وتعملي اول غرزة بس الخيط الاول حتعمليه داخل العين يعني انت بتشتغلي والخيط معاكي بتمشي بيه طول السطر(ده لو كنت فقط حتعملي سطر النصف عمود لو سطرين سيبيه وماتشتغلي بيه)وتبتدي تشتغلي سطرطك زي كل مرة ودي صور بتوضح الطريقة











وتعيدي نفس التطبيق كل ماتكوني عاوزة تغيري اللون وعلشان مايكون عندك خيوط خارجة اشتغلي الخيطين مع بعض يعني الخيط السابق والطرف الفاضل من الخيط الجديد علشان مابفضل الحيط خارج بره وتضطري انك تدخليه بالابرة بعد ماتخلصي الشغل.

انا هنا معاك ان شاء الله سمورة وربنا يبارك فيكى

ام سلومة كتب:

انا هنا معاك ان شاء الله سمورة وربنا يبارك فيكى

اهلا بيكي حبيبتي ام سلومة الورشة نورت بوجودك

السلام عليكم ورحمه الله وبركاته مشكوره اختي الفاضله علي الغرزه الجميله وياريت الباترون للمبتئين امثالي شكرا

hodaelsirgany كتب:

السلام عليكم ورحمه الله وبركاته مشكوره اختي الفاضله علي الغرزه الجميله وياريت الباترون للمبتئين امثالي

وعليك السلام ورحمة الله بوركاته.اهلا بيكي اختي هدى نورتي المنتدى ونورتينا كلنا حاضر من عيوني حنزل مع الشرح الباترون الي حنشتغل عليه.

انا انا انا ياميس سجلينى معاكى

Qبالتوفيق للجميع انشالله اني معك

فيرى كتب:

انا انا انا ياميس سجلينى معاكى

اهلا بيكي حبيبتي فيري في الورشة بحس بنقص لما مابتكوني معايا في الورشات علشان اتعودت عليكي واتعودنا نشتغل مع بعض وحنزلك الباترون علشان تسبقيني متل كل مرة ههههههههه.سجلتك حبيبتي وان شاء الله الشرح انزله المساء فكوني في الصف الامامي علشان تخلصي بسرعة.

سمورة ان شاء الله معك بس اخلص جاكيت تريكو واخر كروشيه في يدي

ما شاء الله بالتوفيق حبيباتي

وانا اكون معاكم ان شاء الله في ايدي فستان كروشيه فراوله اخلصه واجي معاكم لعمل البونشو وجزاكم الله كل الخير

ما شاءالله حلو كتير سمسم مشكورة وانشاءالله معكم بس اعذروني ازا تاخرت لانه هاد شهري ادعولي اقوم بالسلامه

بس انشاءالله حعمله لبنتي لانه عاجبني كتير وكان نفسي اعمله من زمان تسلميلنا سمسم على مجهودك الرائع

ومبروك لاخواتي المشاركات بالورشة

أميرة الساحل كتب:

Qبالتوفيق للجميع انشالله اني معك

شكرا حبيبتي اميرة تسلمي واهلا بيكي تنوري الورشة

بسمة زهرة كتب:

سمورة ان شاء الله معك بس اخلص جاكيت تريكو واخر كروشيه في يدي

اوكي حبيبتي ربنا معاكي انا عارفة ان البونشو ده الي كنت عاوزاه من مدة امتى تخلصي حبيبتي اعمليه براحتك.

ام طارق كتب:

ما شاء الله بالتوفيق حبيباتي

حبيبتي ام طارق تسلمي

NURALHUDA كتب:

وانا اكون معاكم ان شاء الله في ايدي فستان كروشيه فراوله اخلصه واجي معاكم لعمل البونشو وجزاكم الله كل الخير

اهلا بيكي حبيبتي نور الهدى تنوري الورشة وصاحبتها منتضراكي تخلصي الفستان وتوريهولنا.وامتى تحبي تنضمي لينا اهلا ومرحبا بيكي .

ام نزار كتب:

ما شاءالله حلو كتير سمسم مشكورة وانشاءالله معكم بس اعذروني ازا تاخرت لانه هاد شهري ادعولي اقوم بالسلامه

بس انشاءالله حعمله لبنتي لانه عاجبني كتير وكان نفسي اعمله من زمان تسلميلنا سمسم على مجهودك الرائع

ومبروك لاخواتي المشاركات بالورشة

اهلا حبيبتي ام نزورة ياه عدت التسع اشهر بسرعة كنت فاكراكي لسه ماحان وقت الولادة ربنا يفك حملك على خير وتجيبي المرة دي توم ان شاء الله.
ربنا يكون معاكي حبيبتي وطمنينا عليكي علشان نعرف عملتي ايه خلي بالك على نفسك .
وامتى ولدت وارتحت اعملي البونشو ينفع لامولة الحلوة ربنا يباركلك فيها وفي نزار.

الشرح وصل يا حلوات ياله على اول الصفحة ونتثابل بعد ماتخلصو.

ماشاء الله عليكي اختي لعزيزة سمارة كل مرة تفاجئينني بشئ جميل جازاكي الله كل الخير حتى انا معاكم ولو اني غادية نتعطل شوية .

تطبيقى سمورتى

البونشوشكله جميل تسملم ايديكى لكن عايزة اعرف ممكن يكون لعمر شهر مثلا؟

انا بفكر اكون معاكو لكن انا لسه معملتش البنطلون بتاع الفستان

على اى حال حتى لو اتاخرت شويه انا معاكو باذن الله

انتو بتدونا فرص حلوه وحاجه جميله جدا

وانا نفسى كمان اعمل بطانيه للبيبي قبل ما اولد

سؤال سمورتى هو احنا بنشتغل باقى البونشو من السلسلة صح عموماانا مش هسبقك المرة دى عارفه ليه لانى شغاله فى البلوزة التانية ادعيلى تظبط معايا

فيرى كتب:

سؤال سمورتى هو احنا بنشتغل باقى البونشو من السلسلة صح عموماانا مش هسبقك المرة دى عارفه ليه لانى شغاله فى البلوزة التانية ادعيلى تظبط معايا

ايوة عارفاكي حتسبقيني هنا كمان هههههههههههههههه ايوة بنشتغل من الجهة التانية للسلسة باقي البونشو.