اتفضلي اختي ام سلومة ورشة البلوزة والشورت لاحلى سلمى

اهلا بكن معانا في ورشة طقم للبنوتات الصغارطوب وشورت كروشيه طلبته الاخت العزيزة ام سلومة لبنوتتها الحلوة سلمى الي عاوزة تنضم لينا اهلا وسهلا بيها تنورنا والورشة حنبتديها اليوم بادن الله.


















تنال اعجابكن وتنضمو لينا.

بسم الله نبتدي الشرح وارحب بكل العضوات الجميلات الي انضمو للورشة

معانا في الورشة

ام سلومة
شهد البنات
رودي ابو زهرة
سحر حسونة
علياء طلعت
حبة لولي
بينونة
نفسي الجنة
monamohammed
ولي عاوز ينضم اهلا بيه ينورنا.

الغرز المستعملة

غرزة السلسلة
غرزة البريد او غرزة النصف عمود او غرزة الحشو
غرزة العمود
غرزة المنزلقة

نبتدي على بركة الله واتمنى يكون الشرح مفهوم بالنسبة للعضوات الي انضمو لينا

نبتدي بعمل سلسلال بمقاس وسط البنوتة يعني تشتغلي سلسلة وتقيسيها على وسطها لغاية ماتلاقي الطرفين من الضهر



السطر الاول

نطلع بسلسلتين ونشتغل على تاني سلسلة غرزة حشو او غرزة البريد او النصف عمود يعني نعمل الابرةو ونلف الخيط ونطلع الكل مرة واحدة نشتغل السطر للاخر





السطر التاني


(الغرزة دي اول مرة نعملها هنا ولازم تركيز في البداية )
نطلع بتلات سلاسل ونعمل اول عمود وتاني عمود وتالت عمود لو حبينا تكون دي متل الحاشية للبلوز
نعد اول غرزة حشو وتاني غرزة ونعمل عمود في الغرزة التالتة من السطر الاول متل الصورة
نطلع بتلات سلاسل
ونرجع للعمود الي عملناه من شوية و نعمل وسطه تلات اعمدة
وبعد مانكمل التلات اعمدة نلف الخيط على الابرة ونعد اول غرزة حشو وتاني غرزة حشو ونعمل عمود واحد على غرزة الحشو التالتة
ونعيد نفس الشئ السطر كله لغاية اخره ونعمل تلات اواربع اعمدة متل البداية وهدا شكل الغرزة بعد ما كملت ودي صور للسطر ده









السطر التالت

نطلع بتلات سلاسل كعمود اول ونعمل الاعمدة الي عملناها كحاشية للبلوزة ونعمل بعد كده تلات سلاسل ونلزقهم بمنزلقة او غرزة حشو وسط السلاسل التلات من السطر السابق ونعمل تلات سلاسل ونعمل عمود على العمود من السطر السابق ونمشي على كده تلات سلاسل ومنزلقة وسط السلاسل التلات وتلات سلاسل وعمود على العمود لغاية اخر السطر.





السطر الرابع

نعمل السطر كله غرزة حشو وسط التلات سلاسل غرزتين حشو وعلى العمود غرزة حشو وعلى غرزة الحشو غرزة حشو علشان مانزودشي في الغرز وتوسع البلوزة






السطر الخامس

السطر كله غرزة منزلقة مش غرزة حشو





السطر السادس



السطر السابع

وسط كل تلات سلاسل من السطر السابق نعمل تلات اعمدة هما في البلوزة عاملين غرزة حشو لكني فضلت اعمل عمود





السطر التامن



السطر التاسع



السطر العاشر



السطر الحادي عشر



السطر التاني عشر



السطر التالت عشر



السطر الرابع عشر





وصلنا لاخر الشرح يا حلوات بعد السطر ده حنعيد نفس الاسطر السابقة لغاية مانوصل للطول الي احنا عاوزين ياله نتقابل بعد ماتخلصو البلوزة علشان نشتغل الحمالات والجزء الي تحت البلوزة.

بسم الله
جمعة مباركة يا حلوات
ياله نكمل باقي الشرح

احنا هنا وصلنا كلنا لاخر اسطر من البلوزة يعني السطر الي بنعمل فيع غرزة النصف عامود ويعدها السطر الي بنعمل فيه المنزلقة يعني تدخلي الاربة وتلفي الخيط وتطلعي الكل مرة واحدة وبعدها سطر التلات سلاسل ومنزلقة فاضل سطر الصدفات
نعمل داخل التلات سلاسل اولا غرزة منزلقة تم غرزة النصف عامود تم عمود وعمود تاني تم نرجع نعمل غرزة النصف عمود تم المنزلقة دول كلهم داخل التلات سلاسل تم نروح طوالي للتلات سلاسل التاليين ونعمل نفس الشئ لغاية مانكمل السطر كله وده حيكون اخر سطر في الجزء ده.



فاضل الوردة الي حنزين بيها الفستان والشورط ياله نتقابل بعد ماتخلصو التطبيق يا حلوات واتمنى يكون الشرح واضح.



بعد ماخلصنا الجزء الاول نلف البلوزة ونشتغل الجزء الي تحت

السطر الاول

نلزق الخيط ببداية العمل ونشتغل على كل غرزة نصف عامود عملناها في بداية الجزء الاول نعمل غرزة النصف عمود ايضا على طول البلوزة ونلزق اخر عمود باول عمود لانك حتشتغليها دائري المرة دي



السطر التاني

نطلع بتلات سلاسل كعمود اول ونعمل عمودين وسلسلة ونعمل عمودين ايضا كل ده في نفس العين من سطر النصف عواميد ونسيب غرزتين من نفس السطر ونعمل عمودين وسلسلة وعمودين ونعيد نفس الشئ لاخر السطر ولما نوصل للخر نلزق اخر عمود باول عمود عملناه.
(لو حابة كشكشة اكتر ووسوعية اكتر اعملي بين المراوح فقط بدل غرزتين نصف عامود سيبي فقط واحدة)



السطر التاني





السطر التالت





ونعمل السطر الرابع والخامس بنفس الطريقة ولو حبينا نطول متلي نطول لو حابين متل الموديل خلاص نعيد السطر فقط اربع مرات

السطر الخامس والاخير

نعمل بلون مغاير وسط كل مروحة نعمل خمس اعمدة ونعمل بين كل مروحة ومروحة نعمل غرزة منزلقة ونمشي كده لاخر السطر



وده شكل البلوزة



نعمل الان الحمالات وممكن نعمل ايضا باناية للشعر بنفس الطريقة

نشتغل سلسلة الاول انا عملت 60 سلسلة
السطر الاول
كله غرزة النصف عامود
السطر التاني كله غرزة منزلقة
السطر التالت نعمل الغرزة الاساسية
السطر الرابع نعمل تلات سلاسل وعمود على كل عمود من السطر السابق
السطر الخامس كله غرزة نصف عامود
السطر السادس كله منزلقة
السطر السابع تلات سلاسل ومنزلقة والسطر ده لما نوصل للاخره نمشي على طول الجنب ونشتغل تالجهة المقابلة كمان يعني نشنغله من الجهتين ونقطع الخيط.
السطر الاخير نعمله متل سطر الصدفات يعني منزلقة وغرزة نصف عامود وعمودين وغرزة النصف عامود ومنزلقة لاخر السطر على كل الحمالة وكده نكون خلصنا الجزء ده







وبعد ما كملنا نرجع لفتحة الضهر انا لاني مااشتغلتها واشتغلت البلوزة كلها مقفولة يعني مافي اي صور للجزء ده.
بس ده سهل انمت تشتغلي الحاشية الي فوق فقط يعني الي حتعملي فيها صدفة الي حتقفلي بيها البلوزة تعملي السطر ده كله غرزة النصف عامود وتعملي متلا عشرة انصاف عواميد وتعملي سلسلتين او تلاتة دول للصدفة وتسسيبي غرزتين وتلزقي في التالتة




نكمل شرح الوردة المستعملة في البلوزة

نعمل اول شئ سلسلة عددها ستة ونقفلها

السطر الاول

نطلع بتلا سلاسل ونعمل وسط الدائرة 32 عمود ونقفلها على اول تلات سلاسل عملناهم




السطر التاني

نطلع باربع سلاسل لاننا حنعمل عمود بلفتين ونعمل اول عمود بلفتين على اول عمود من الاعمدة 32 وتاني عمود على العمود الي بعد كده وتالت عمود على الي بعد كده ونطلع باربع سلاسل ونلزقهم على العمود الي بعد كده ونطلع باربع سلاسل ونعمل نفس التطبيق للورقة الاولى ونمشي كده لاخر الوردة حنعمل تماني ورقات







ولما نكمل الوردة ندخل الخيط بين الاعمدة والورقات ونشتغل منزلقة يعني ندخل الابرة تحت الوردة ونطلع الخيط ومن غير مانلف الخيط على الابرة نطلعه ونمشي كده طول الوردة ومانشتغل كل الاعمدة 32 نشتغل اتنين باتنين يعني ندخل الابرة في اول عمود ونطلع الخيط وندخلها في تالت عمود متل الصورة



كده البلوزة خلصت ولو حابين تعملو البنداية للشعر سهلة تشتغلومتل الحمالة الي عملناها وتعملو عليها وردة.
ياله سلام يا حلوات.

بسم الله نبتدي شرح الشورت

احنا حنعمل نفس المقاس الي عملناه في بداية البلوزة ونبتدي بعمل سلسلة طويلة ومانقفلهاش بغرزة منزلقة.



السطر الاول

نعد سلسلتين ونعمل على السلسلة التالتة غرزة نصف عمود ونمشي كده لاخر السلسال ولما نوصل لاخر السطر نلزقه بمنزلقة مع اول السلسلتين الي عملناهم في بداية السطر الاول






السطر التاني

نطلع بتلات سلاسل كعمود اول ونعمل السطر كله بغرزة العمود



السطر التالت

نطلع بتلات سلاسل ونعمل نفس الشئ كل عمود نشتغله وسط العمودين انا زودت السطر ده عشرة اعمدة يعني كل عشرة اعمدة عملت عمود وعمود تاني في نفس المكان .





نعمل نفس الشئ بالنسبة للسطر الرابع والخامس والسادس انا عملت سبع اسطر.



السطر السادس

نطلع بتلات سلاسل ونعمل عمود على العمود التالت من السطر السابق ونعمل تلات سلاسل وتلات اعمدة ونمشي كده لاخر السطر




السطر السابع

نطلع بتلات سلاسل ونزيد تلاتة تانيين



ونلزقهم وسط السلاسل التلات من السطر السابق وتلات سلاسل ونعمل العمود على العمود ونعيد نفس الشئ لاخر السطر ولما نوصل للاخر نلزق اخر عين باخر السلاسل التلات الي ابتدينا بيهم كعمود اول





السطر التامن

نطلع بتلات سلاسل كعمود اول ونعمل عمويدن كمان ونعمل عمود على العمود وعمودين وسط السلاسل التلات وعمود على المنزلقة وعمودين على التلات سلاسل ونمشي كده لاخر السطر.



ونعيد السطر ده ستة مرات ونلتقي بعد ماتخلصو التطبيق يا حلوات.

بالتوفيق يا حبيبتي
وان شاء الله معاكي في الورشة

الله يخليكى اختى سمارة وتعيشى وتعملى ان شاء الله انا منتظرة الشرح ان شاء الله

انا معاكى ان شاء الله

تسلم ايديكى
الطقم تحفـــــــــــــــة
ان شاء الله معاكى

وانا كمان معاكو

ان شاء الله معاكم فى الورشه

شهد البنات كتب:

يااااالغالية انا جيت بعد عنا من المنتدى تقبلينةى معكى يعمرى أو أبعد
بحبك أكثير الله يحفضك

اهلا حبيبتي شهد ولو انت صاحبة البيت ومن اهل الدار وانا ايضا احبك اختي العزيزة ربي يحفضك.

رودي ابو زهرة كتب:

بالتوفيق يا حبيبتي
وان شاء الله معاكي في الورشة

اهلا بيكي اخت رودي المنتدى نور بوجودك ونورت الورشة بيكي اهلا وسهلا

ام سلومة كتب:

الله يخليكى اختى سمارة وتعيشى وتعملى ان شاء الله انا منتظرة الشرح ان شاء الله

ويخليكي حبيبتي صباح انا شوية وانزلك اول الشرح ان شاء الله.

علياء طلعت كتب:

انا معاكى ان شاء الله

اهلا وسهلا نورتينا اختي علياء ونورتي الورشة

حبة لولى كتب:

تسلم ايديكى
الطقم تحفـــــــــــــــة
ان شاء الله معاكى

حبيبتي حبة لولي المنتدى نور بوجودك واهلا بيكي معانا في الورشة

بينونه كتب:

وانا كمان معاكو

اهلا بيكي حبيبتي بينوتة انت تنوري الورشة وصاحبة الورشة

نفسى الجنة كتب:

شكله جميل ان شاء الله معاكم

مرحبا بيكي اختي نفسي الجنة نورتي الورشة والمنتدى

سحر حسونه كتب:

ان شاء الله معاكم فى الورشه

انت تنورينا حبيبتي سحر بس اتمنى الصور تضهرلك وما تكسفنا متل كل مرة.

ان شاء الله تشوفى التطبيق بكرة بازن الله وتسلم ايديك على الشرح الجميل ده

الصورمش باينة خالص لو حد شايفها يبقى العيب من عندى ولا ايه انا مش شايفة الورشة انا شايفة كلام بس

ام سلومة كتب:

ان شاء الله تشوفى التطبيق بكرة بازن الله وتسلم ايديك على الشرح الجميل ده

ان شاء الله حبيبتي بالتوفيق .

نفسى الجنة كتب:

الصورمش باينة خالص لو حد شايفها يبقى العيب من عندى ولا ايه انا مش شايفة الورشة انا شايفة كلام بس

حبيبتي الصور ضاهرة عندي مش عارفة يمكن النت عندك ضعيف .
انت بتستعملي اي متصفح يمكن يكون ده السبب.

فاير فوكس حبيبتى طيب حغير المتصفح واشوف